TË FSHEHURAT E FJALËS

 

kur lakmon shtatin e huaj

më pllembë dore e mat hijen tënde

 

të varret t´bredhin mendimet

 

ato që t´braktisin janë stinët

vitet dhe zogu n´fluturim

 

prapa t´vijnë të pabërat si dëshmi

 

nëse ka vapë të madhe

edhe breshëri n´vend të shiut është fat

 

(kur s´ka shi edhe breshëri bën punë)

 

nese krojet nuk shtjerrin këtë vit

lulojnë të fshehurat e fjalës

 

dhe rriten fëmijët lisat e lumenjtë

 

 

24.01.20